كيف نوصفك
وأنتي فتاة أحلامي
ولقيت فيك كل ما تمنيت
وأنتي هنايا
وعشرتي وأيامي
على خاطرك وسط الجمر خشيت
وأنتي زها عيني وكل كلامي
خودي حياتي كلها يا ريت
جيتك وسلمتك
قلبي الظامي
نكذب عليك كان قلت رويت
ما نروى منك
يا حلمي ومنامي
وميجيش يوم ونقولك مليت
و لا من عيونك مادام هن قدامي
وفيهن كلام الحب أنا حسيت
مسحتي جميع مشاكلي وأوهامي
جعلتي حياتي باهية وزهيت
كيف نوصفك وأنتي ربيع أيامي
وأنا معاك بس عشت و ريت
ريت الدنيا زاهية قدامي
ربيع منور من أعتاب البيت
طالب الله يقوي يزيد عزامي
حلمي وحلمك يتحقق يا ريت
ويمتحن أوجاع كل أعوامي
ويفوح عطرك في كل زوايا البيت
أدعي معايا يا حدود غرامي
بالك بمشيئة الله نبني بيت
موضوع: لا ادري كيف اوصفك 
الإثنين أكتوبر 04, 2010 11:05 pm
